Page 83 - Officiolo
P. 83
digitus paternae dexterae
tu rite promissum Patris,
sermonem ditans guttura.
Deo Patri sit gloria,
et Filio, qui a mortuis
surrexit, ac Paraclito,
in saeculorum saecula. Amen.
Antiphona:
Emitte Spiritum tuum, et creabuntur:
et renovabis faciem terrae. Alleluja, alleluja!
PSALMUS 147
Lauda, Ierusalem, Dominum,
lauda Deum tuum, Sion.
Quoniam confortavit seras portarum tuarum,
benedixit filiis tuis in te.
Qui posuit fines tuos pacem
et adipe frumenti satiat te.
Qui emittit eloquium suum terrae:
velociter currit sermo eius.
Qui dat nivem sicut lanam,
nebulam sicut cinerem spargit.
Emittit crystallum sicut buccellas,
ante faciem frigoris eius quis sustinebit?
Emittit verbum suum et liquefaciet ea,
flabit Spiritus eius et fluent aquae.
Qui adnuntiat Verbum suum Iacob,
iustitias et iudicia sua Israel,
Non fecit taliter omni nationi,
et iudicia sua non manifestavit eis.
